"GOD IS DEAD" - Nietzsche 🖤

Thus Spoke Zarathustra - Fredrich Nietzsche

GOD IS DEAD.

GOD REMAINS DEAD.

AND WE HAVE KILLED HIM.

என்ற வரிகளுக்கு சொந்தக்காரர் பிரெட்ரிச் நீட்சே(Friedrich Nietzsche), என்னை மிகவும்  கவர்ந்த தத்துவவியலாளர். சிலர் நீட்சேவை எதிர்மறையாக அணுகுவார்கள், அவரின் தத்துவம் மனித வெறுப்பை பேசுகிறது என்பார்கள். அம்பேத்கர் நீட்சேவை பற்றி கூறும்போது "நீட்சேவுக்கு முன்பே மனித வெறுப்பை பேசியவன் மனு" என்று கூறுவார். ஆனால் நாம் கடினமான சூழ்நிலையில் தவிக்கும்போதும், பலவீனமாக உணரும்போதும், தோல்வியில் சிக்கி தவிக்கும்போதும், ஒரு கை நம்மை பிடித்து மேலே இழுக்க தயாராக இருக்கும். அந்த கைக்கு சொந்தக்காரன் நீட்சே. 

நீட்சேவின் எழுத்துக்களை படிப்பதற்கு முன், நீட்சவை பற்றி படிக்கவேண்டும், அவர் வாழ்ந்த சூழலை, அவரை சுற்றி நடந்த நிகழ்வுகளை, அதனை அவர் எதிர் கொண்ட விதத்தை புரிந்துகொண்டால், அவரின் தத்துவம் புரியும்.

மனிதன் யாருக்கும் அடிமையாக இருக்க கூடாது, அது கடவுளாக இருந்தாலும் சரி. நீட்சேவின் கடவுள் மறுப்பு தனது தந்தையின் இறப்புக்கு பின் தொடங்கியதை அறிய முடிகிறது, பாதிரியாராக இருந்த அவர் நோய் வாய் பட்டு கிடக்கும்போது அவரை காப்பாற்ற கடவுள் வரவில்லை என்ற ஆதங்கம் அவனிடம் இருந்தது. கிறிஸ்துவ மதத்தை எதிர்த்தும் கடவுளை எதிர்த்தும் விமர்சனங்களை அடுக்க தொடங்கினான். “கடவுள் இறந்துவிட்டார்”, என்ற நீட்சே கடவுளுக்கு மாற்றாக மேன்மைஅடைந்த மனிதன்(super man)என்கிற தத்துவத்தை தோற்றுவிக்கிறான்.  

“I teach you the superman. Man is something that should be overcome.” என்று தனிமனித/ தனித்துவ(Individualism) கோட்பாட்டை வேறொரு விதத்தில் பேசினார் நீட்சே. மனிதன் என்கிற பதமே கடந்து வர வேண்டிய ஒன்று தான் என்றும், நாம் அனைவரும் மேம்பட்ட(Supreme/genius) நிலையை அடையவேண்டும் என்றும் உரக்க பேசியவர் அவர். 

இசை இல்லாமல் போய் இருந்தால், வாழ்கை அர்த்தமற்றதாகி இருக்கும் என்றவன். குடிப்பவர்களும் புகைப்பவர்களும் தெளிவான சிந்தனை அற்றவர்கள் என்று, மனித மனங்களை மட்டுப்படுத்தும் சாராயத்தை(Alcohol) எதிர்த்தவன். கிறிஸ்துவமும் சாராயமும் மனிதனை தெளிவான சிந்தனையில் இருந்த திசை திருப்பும் காரணிகள் என்றார்.  

நீட்சே மென்மையான கோட்பாடுகளுக்கும் தத்துவத்திற்கும் எதிரானவன், சமத்துவம், பரிவு, அமைதி, அன்பு போன்ற மென்மையான கூட்டுவாத(Collectivist) தத்துவங்களை அவன் எதிர்த்தான். இது போன்ற தத்துவங்கள் எல்லாம் இயற்கையான மனித குணங்களுக்கு எதிரானவை என்றான்.   நிற்க, நடக்க, ஓட தாவ, நடனமாட தெரிந்த மனிதன் ஒரு நாள் பறக்கவும் செய்வான், நீங்கள் பறக்கவேண்டும் என்றால் உங்களது சுயத்தை நீங்கள் காதலிக்க வேண்டும்(self-love). சுயத்தை காதலித்தல் என்பது தான் அனைத்தைவிடவும்  ஆக சிறந்த நுட்பமான கலை என்றவன். தனிமனித சுதந்திரத்தை சுயத்தை காதலிப்பதேன்(Liberty through self-love) மூலம் பேசினான் நீட்சே. 

“மனிதன் என்பவன்  ஒருவரை நேசிப்பதை  போலவே, வெறுக்கவும் கற்றுக்கொள்ளவேண்டும். அவன் பொறாமை பட வேண்டும் , ஆபத்துகளை நேசிக்க வேண்டும் , தீமை குணங்களை எல்லாம் கற்றுத்தேற வேண்டும்” போன்றவை எல்லாம் நீட்சேவை தவிர யாராலும் எளிதாக பேசிவிட முடியாது. 

கிரேக்க தத்துவவியலில் ஆர்வம் கொண்ட நீட்சே Dionysus என்கிற கிரேக்க கடவுளின் மீது ஆர்வம் கொண்டிருந்தார், இவரின் இத்தகைய வீரியமான தத்துவத்திற்கு அவரும் முக்கிய காரணம் என்கிறார்கள்.  Arthur Schopenhauer என்கிற ஜேர்மன் நாடு தத்துவவியலாளரின் புத்தகமான “The world as will and idea” நீட்சேவின் சிந்தனை போக்கை மாற்றி அமைத்தது என்று தான் கூறவேண்டும். நீட்சே தனிமையை நேசித்தவன், யாரும் வேண்டாம் என்று  மலைகளையும் காடுகளையும் சுற்றி திரிந்து புத்தகம் எழுதினான். அவன் வாழ்க்கையில் நேர்ந்தது எல்லாம் துயர் மிகுந்த சம்பவங்கள் தான். அதன் தாக்கம் அவன் தத்துவத்தில் வெளிப்படும்.  

 போரை விரும்பிய நீட்சே, போர் தான் மனிதனை பக்குவப்படுத்தும் என்று கூறுவார் . சிலர் ஹிட்லரின் ஆதிக்க போக்குக்கு நீட்சவின் தத்துவமும் ஒரு காரணம் என்பார்கள்.  அதில் உண்மை இருந்தாலும், தனிமையில் உழலும், உளவியல் ரீதியாக நிலையற்று இருக்கும், வெறுமையை அனுபவிக்கும், வாழ காரணம் தேடி கொண்டிருக்கும் அனைவருக்கும் நீட்சே தேவை படுவான். 

எனக்கு உதவியது போலவே உங்களுக்கும் உதவுவான். உங்களை நீங்களே எவ்வளவு காதலிக்க வேண்டும் என்கிற ஆழத்தை அவன் காட்டுவான். மனிதர்களை துச்சமென உதறி தள்ள உங்களுக்கு அறிவுரை அளிப்பான்.

நீட்சேவை இறுக்கமாக பிடித்து கொள்ளுங்கள், உங்கள் வாழ்க்கையிலும் சிந்தனை போக்கிலும் அவன் ஏற்படுத்தப்போகும் மாற்றத்தை காண தயாராகுங்கள். உங்களை தேடி உங்களிடமே  ஒப்படைப்பான்.

நீட்சேவை வாசிக்கும் முன்பு அவரை பற்றிய அடிப்படைகளை புரிந்து கொள்ள சில புத்தகங்களை/ குறும்படங்களை பரிந்துரைக்கிறேன் 

BOOKS

1. THE STORY OF PHILOSOPHY - WILL DURANT 

2. GREAT THINKERS - THE SCHOOL OF LIFE

DOCUMENTARIES 

1. GENIUS OF THE MODERN WORLD - NETFLIX DOCUMENTARY 

2.  PHILOSOPHY - Nietzsche YOUTUBE VIDEO 

Recommendation 

READ HIS BOOKS IN THIS ORDER(specific)

1. THUS SPOKE ZARATHUSTRA 

2. BEYOND GOOD AND EVIL

3. THE WILL TO POWER 

4. ANTICHRIST

5. THE JOYFUL WISDOM 

இன்னும் நெறய எழுதி இருக்கார் ஆனா இதெல்லாம் அவரோட தவிர விட கூடாத படைப்புகள். இந்த கட்டுரை அவரோட “THUS SPOKE ZARATHUSTRA” என்கிற நூல் ஏற்படுத்திய தாக்கத்தினால் எழுதப்பட்ட ஒன்று